ساجد اقبال عباسی کی (ن) لیگ میں انٹری! نواز شریف نے گرین سگنل دے دیا

نواز شریف نے شمولیت پر رضا مندی ظاہر کر دی، ڈاکٹر مصطفیٰ بشیر نے اہم سیاسی رابطوں میں کلیدی کردار ادا کیا مسلم لیگ (ن) کی سیاسی صفوں میں اہم وسعت کے حوالے سے پیش رفت سامنے آئی ہے، جہاں ساجد اقبال عباسی کی مسلم لیگ (ن) میں شمولیت پر پارٹی قائد میاں محمد نواز شریف نے رضا مندی ظاہر کر دی ہے۔ اس سلسلے میں ڈاکٹر مصطفیٰ بشیر نے اہم سیاسی رابطوں اور معاملات کو آگے بڑھانے میں کلیدی کردار ادا کیا۔ذرائع کے مطابق ساجد اقبال عباسی کی مسلم لیگ (ن) میں شمولیت کے معاملے پر پارٹی قیادت کے ساتھ رابطوں کا سلسلہ جاری رہا، جس کے دوران مختلف سیاسی امور اور مستقبل کی حکمتِ عملی پر بھی مشاورت کی گئی۔ پارٹی قائد میاں محمد نواز شریف کی جانب سے شمولیت کے لیے رضا مندی کے بعد اس معاملے میں اہم پیش رفت ہوئی ہے۔ذرائع کا کہنا ہے کہ ڈاکٹر مصطفیٰ بشیر نے ساجد اقبال عباسی کی مسلم لیگ (ن) میں شمولیت کے لیے پارٹی کی اعلیٰ قیادت سے رابطوں اور مشاورت میں اہم کردار ادا کیا، جس کے نتیجے میں معاملات حتمی مرحلے کی جانب بڑھ رہے ہیں۔سیاسی حلقوں کے مطابق ساجد اقبال عباسی کی مسلم لیگ (ن) میں شمولیت سے جماعت کو متعلقہ حلقے میں سیاسی طور پر تقویت ملنے کی توقع ہے، جبکہ آنے والے دنوں میں مزید اہم شخصیات کی مسلم لیگ (ن) میں شمولیت کے امکانات بھی ظاہر کیے جا رہے ہیں۔ذرائع کے مطابق شمولیت کے باضابطہ اعلان اور آئندہ کے سیاسی لائحہ عمل سے متعلق تفصیلات جلد سامنے آنے کا امکان ہے۔